Pan fyddwch yn rhoi bwlb golau traddodiadol ymlaen, dim ond 10% o'r trydan sy'n cael ei droi'n olau. Mae'r 90% arall yn cael ei wastraffu fel gwres.¹

Pob tro y byddwch yn agor drws yr oergell, gall hyd at 30% o'r aer oer ddianc.¹

Gall crac mor fychan ag 1/16 o fodfedd o amgylch ffrâm ffenestr adael yr un faint o aer oer i mewn a'r hyn a geir wrth i chi adael y ffenestr yn agored dair modfedd.¹

Yn y DU, rydym yn defnyddio gwerth £1.4 biliwn o drydan wrth ddefnyddio peiriannau golchi dillad, peiriannau sychu dillad a pheiriannau golchi llestri. Mae hyn yn cynhyrchu tua 6 miliwn tunnell o C02 (Carbon deuocsid) bob blwyddyn – yr un faint â 2 filiwn o geir.²

Mae bylbiau golau arbed ynni yn defnyddio hyd at 80% yn llai o drydan na bylbiau traddodiadol ac maent yn para tua deg gwaith yn hirach.²

Pe bai pob aelwyd yn y DU yn gosod un bwlb golau arbed ynni ychwanegol yn y ty, byddai'r C02 (Carbon deuocsid) a arbedwyd yr un fath â phetai 70,000 o geir yn cael eu tynnu oddi ar y ffyrdd.²

Wyddech chi bod 60% o'r gwres yn cael ei golli drwy'r waliau a'r to mewn tŷ heb ei insiwleiddio?²

Pe bai pawb ond yn berwi'r dŵr y mae arnynt ei angen bob tro maent yn defnyddio'r tegell, gallem arbed digon o drydan mewn blwyddyn i redeg goleuadau stryd y DU am bron i ddeufis.²

Gallai gostwng eich thermostat gwres 1°C pan ydych yn rhy gynnes dorri hyd at 10% oddi ar eich costau gwresogi.²

Wyddech chi bod gwerth £900 miliwn o ynni yn cael ei wastraffu wrth adael offer trydanol ar standby, felly chwaraewch eich rhan a pheidiwch â gadael eich teledu na'ch offer trydanol eraill ar standby a diffoddwch wifrwyr (chargers) yn y wal os nad ydynt yn cael eu defnyddio.²